كتير مننا بيسمع عن التدريب من أجل التشغيل أو التدريب من أجل التوظيف لما بنيجي ندور على كورسات أو منح تدريبية لكن للأسف معظم الإعلانات دي بتكون دعاية فقط للمكان اللى بيعلن عنها.
في اتصال أسيوط الوضع مختلف تماما ودا لأن اتصال جمعية أهليه غير هادفه للربح الأعضاء فيها هم أصحاب شركات تكنولوجيا المعلومات والاتصالات من كل محافظات الصعيد (69 شركة) وعندها شراكات مع شركاء محليين وأجانب علشان تقدر تقدم أنشطتها لكل أبناء الصعيد من عقد ندوات وتدريبات وورش عمل ومعارض للشركات وملتقيات توظيفية ولقاءات تشبيك وفتح قنوات تصدير لبرامج وخدمات الأعضاء خارج مصر وبرامج رعاية الإبتكار زي مسابقة الصعيد يبتكر اللى بيتخرج منها 3 شركات ناشئة سنويا.
وفي مجال التدريب من أجل التشغيل اتصال من خلال تعاونها مع الشركات الأعضاء والشركاء الاستراتيجيين قدرت انها تصمم برامج تدريبية متخصصة بتلبي احتياجات الشركات في التوظيف يعني ببساطه بنشوف الشركات عايزه إيه من الخريجين ونعمل برنامج تدريبي يتوافق مع المتطلبات دي علشان كده اتصال بتقدملك مبادرة اسمها “تشغيل الصعيد” الهدف من المبادرة دي اننا نأهل 1000 شاب وفتاة لسوق العمل من أبناء محافظات الصعيد من بني سويف وحتى أسوان بنهاية 2023.
علشان تعرف أكتر عن المبادرة وازاي تقدم وإيه التراكات المتاحة وتكون واحد من خريجين برامج اتصال أسيوط سجل معانا من خلال اللينك ده: